കൊടും ചൂടിനിടയില്‍ ആകാശത്തു നിന്നും കല്ലുമഴ(Freak hail storm hits Siberian beach in mid-summer -

Post by Lithiya Lijo.

കൊടും ചൂടില്‍ നിന്ന് അല്‍പം ആശ്വാസം തേടി വെള്ളത്തിലിറങ്ങാനെത്തിയവര്‍ കല്ലുമഴ പെയ്തതോടെ നദിയില്‍ നിന്നും ബീച്ചില്‍ നിന്നും കയറി പരന്നോടി. സൈബീരിയയിലെ ഓബ് നദീ തീരത്താണ് സംഭവം. ഒരു ഗോള്‍ ബോളിനോളം വലിപ്പമുള്ള ഐസ് കട്ടകളാണ് ആകാശത്തു നിന്നു വര്‍ഷിച്ചത്. പൊടുന്നനെയുണ്ടായ കല്ലുമഴയില്‍ പരിഭ്രാന്തരായി നദിയിലും ബീച്ചിലുമുണ്ടായിരുന്നവരെല്ലാം നാലു പാടും പ്രാണരക്ഷാര്‍ത്ഥം ഓടുകയായിരുന്നു. ആകാശത്തു നിന്ന വെടിയുണ്ടകള്‍ പെയ്ത പോലെയായിരുന്നു ഇതെന്ന് ബീച്ചിലുണ്ടായിരുന്ന ഒരാള്‍ പ്രതികരിച്ചതായി ദ സൈബീരിയന്‍ സ്റാര്‍ റിപ്പോര്‍ട്ട് ചെയ്യുന്നു. സ്വര്‍ഗത്തില്‍ നിന്നുണ്ടായ ആക്രമണമെന്നാണ് മറ്റൊരാള്‍ വിശേഷിപ്പിച്ചത്.